МОНГОЛ УЛСЫН ИРГЭНИЙ ХЭРЭГ ШҮҮХ ЭД ХЯНАН ШИЙДВЭРЛЭХ ЭРХ ЗҮЙ ДЭХ Т УЛГАМДСАН АСУУДАЛ

aМонгол Улсын Үндсэн хуулийн 16 дугаар зүйлийн 16.14-т “Монгол Улсын хууль, олон улсын гэрээнд заасан эрх, эрх чөлөө нь зөрчигдсөн гэж үзвэл уул эрхээ хамгаалуулахаар шүүхэд мэдүүлэх эрхтэй...” гэсэн заалтыг хэрэгжүүлж, иргэн, хуулийн этгээдээс зөрчигдсөн эрхээ сэргээлгэхээр гаргасан хүсэлт, гомдол, нэхэмжлэлийг шүүх хүлээн авч, иргэний хэрэг үүсгэн хуульд нийцүүлэн хянан шийдвэрлэхтэй холбогдсон нийгмийн харилцааг зохицуулж байгаа болон шүүхээс иргэний хэргийг хянан шийдвэрлэх ажиллагааг зохицуулж байгаа эрх зүйн хэм хэмжээний нийлбэр цогцыг иргэний хэрэг шүүхэд хянан шийдвэрлэх эрх зүйн гэж тодорхойлно. Иргэний хэрэг шүүхэд хянан шийдвэрлэх эрх зүйн хөгжилд тулгамдсан асуудлыг тодорхойлоход тус эрх зүйн үндсэн гол эх сурвалж болсон Иргэний хэрэг шүүхэд хянан шийдвэрлэх тухай хууль / цаашид ИХШХШТХ гэнэ/ -ийг практикт хэрэглэх явцад хуулийн зарим зүйл, заалтыг нэг мөр болгох, тодорхой бус зохицуулалтыг тодорхой болгох зэргээр асуудлыг авч үзэж, хэлэлцэхийг зорилгоо болгон энэхүү илтгэлээ толилуулж байна.